Proxectos e actividades
EGANET pon en marcha o proxecto: “Estudos de Viabilidade Empresarial”.
Xoves, 21 de Xaneiro de 2010 15:13
As empresas socias poderán participar neste proxecto que busca a análise e evaluación dos proxectos empresariais.
Estamos nun sector globalizado e en constante movemento, somos competitivos? estamos seguros da viabilidade do noso proxecto? teremos que reconfigurar?
Neste proxecto analizaranse todos os aspectos e áreas da empresa: dirección, recursos humanos, marketing, definición de produtos e servizos, etc., e concluirase cunha evaluación que nos guiará sobre as posibilidades reais de negocio ou sobre a urxente reconsideración dos obxectivos iniciais.
ER-INNOVA
Luns, 22 de xuño de 2009 16:55
A cooperación entre tres organizacións galegas e unha portuguesa permite a posta en marcha de ER-INNOVA, un proxecto europeo de innovación que vén de iniciarse co obxectivo de mellorar a competitividade das pequenas e medianas empresas do sector das enerxías renovables da Eurorrexión Galicia-Norte de Portugal a través das Tecnologías da Información e das Comunicacións (TIC).
A Asociación de Empresas Galegas adicadas a Internet e ás Novas Tecnoloxías (EGANET) é socia neste proxecto que, baixo o lema “A enerxía das TIC”, se materializará nun programa piloto de implantación de ferramentas tecnolóxicas nun cento de pemes, coa intención de estenderse a continuación a todo o sector das renovables e incluso ser obxecto de transferencia a outros ámbitos de actividade, coas adaptacións necesarias.