LaconNetwork celebra o seu segundo aniversario

Luns, 23 de Xaneiro de 2012 12:01

Dende xaneiro de 2010, os emprendedores galegos teñen por costume xuntarse o último venres de cada mes nunha xuntanza que se deu en chamar "Lacon Network", e que naceu dunha idea dos equipos de ConfirmSign, unha das nosas empresas socias, e Pleiteando.com, rede social para profesionais do mundo lexislativo. O vindeiro 27 de xaneiro, a Lacon Network celebrará o seu segundo aniversario cun encontro no Centro Tecnolóxico de Arteixo (Avd. Arsenio Iglesias s/n), a partir das 10:00, no que o presidente de Eganet, Víctor López, intervirá como participante nunha das mesas redondas.

IkiMap abre a súa API nunha aposta pola integración con outros servizos

Xoves, 02 de Febreiro de 2012 17:03

Durante o obradoiro de IkiMap realizado o día 13 de xaneiro, promovido pola plataforma Xeoinquedos, presentáronse algunhas das novidades que presentará este servizo de xeolocalización durante o 2012. A primeira delas, que xa se fixo efectiva, foi a apertura da súa API, co obxectivo de ampliar as posibilidades na integración con outros servizos e ferramentas, permitindo mesmo a creación de desenvolvementos totalmente novos baseados en IkiMap.

Eganet coordina a nove empresas para incrementar a competitividade internacional mediante certificacións ISO

Xoves, 09 de Febreiro de 2012 11:10

A través da participación de Eganet no Programa Innoempresa, nove empresas do sector TIC poderán obter as certificacións ISO 27001 e ISO 9001+14001. Estas normas regulan, respectivamente, a xestión da seguridade da información e dos sistemas que a procesan, e os sistemas de xestión da calidade e sistemas de xestión ambiental. Para o desenvolvemento deste proxecto, cofinanciado polo Igape e os Fondos Feder, Eganet contará coa colaboración de técnicos externos, con ampla experiencia na implantación dos sistemas regulados nestas certificacións. A empresa de consultoría Asdel Consulting será a responsable da implantación destas normas. Está previsto que o proxecto remate a finais do mes de setembro de 2012.

Recollida en      Tic Galicia     Código Cero     PressPeople 

A oportunidade dos novos instrumentos para a xestión da I+D+i e as TIC en Galicia

Venres, 17 de Febreiro de 2012 13:05

O Goberno galego vén de culminar dous anunciados proxectos nos ámbitos da sociedade da información e da innovación. Trátase da creación da Axencia para a Modernización Tecnolóxica de Galicia (AMTEGA), por unha banda, e da Axencia Galega da Innovación (AGI), pola outra, cuxos decretos de constitución veñen de ser publicados no DOG e que, sen máis dilacións, prevén a súa plena operatividade para mediados do mes de marzo, no caso da AMTEGA, e abril, no da AGI.